亞洲豺犬

亞洲豺犬（Cuon alpinus），廣東話通常都叫豺狗，係犬科嘅成員之一。又叫做紅犬，或者豺。

How to read a taxobox 亞洲豺犬
瀕危指標
瀕危 (EN)
物種分類
界 動物界 Animalia 門 脊索動物門 Chordata 綱 哺乳綱 Mammalia 目 食肉目 Carnivora 科 犬科 Canidae 屬 Cuon Hodgson, 1838 種 C. alpinus
二元學名
Cuon alpinus (Pallas, 1811)
亞洲豺犬嘅分布[紅:現時分布；綠:可能分布；粉紅:歷史分布]

多倫多動物園所飼養嘅亞洲豺犬

生理特徵

亞洲豺犬嘅外形同狼﹑狗差唔多，但體型就比狼細，體長100厘米左右，體重約10千克。體毛紅褐色或灰褐色，雜有少量具黑啡色毛尖嘅針毛，肚腩嘅顏色亦較淺。四肢較短。耳短，端部圓鈍。尾較長。額部隆起，鼻長，嘴部短而寬。全身被毛較短，尾毛略長，尾型粗大，尾端黑色。

分布

為一種亞洲野犬，分佈於西亞、中國、印度、中南半島同印尼。亞洲豺犬適應力好強，棲息地由草原、灌木叢以至熱帶雨林都有。

生活習性

生態資料唔多，只知多數過著聯羣結黨嘅狩獵生活，警覺性強，嗅覺亦好發達，主要喺早晨黃昏活動。十分凶殘，喜歡追逐獵物，發現獵物後聚集在一起進行圍獵，數量大約6至8隻，甚至可達20隻。雖然個體攻擊力比狼低，但豺犬群比狼群數量更多而且堅韌。

主要捕食兔仔、狍、麝、羊類等中型有蹄動物，肚餓時甚至襲擊老虎同豹依類大型猛獸。亞洲豺犬會先咬獵物後臀令其死亡，再打開獵物腹部。

繁殖

秋季交配，冬季生仔，懷孕期約 60 日，每胎 3-6 個仔，甚至有 11 隻咁多。家族關係好好，母豺犬彼此之間會支援，會將食物帶返回巢穴後再反芻畀仔食。