交易處理系統

交易處理系統（英文：transaction processing system，TPS）係一種極之常用嘅資訊系統，用嚟支援產品嘅設計、生產同埋營銷，包括將產品送到消費者手上嘅過程（分銷）。

例：好似係「每件產品嘅供應量有幾多」、「每批貨會喺幾時運到邊度邊度」、「有幾多個客訂咗間企業嘅貨」、「今個月有幾多單投訴」同「呢件呢件產品今個月喺每個地區賣咗幾多件」（一件產品嘅條碼今個月喺各地區俾人掃咗幾多次）... 等等都係重要嘅商業數據；喺有返咁上下規模嘅企業裏面，呢啲咁多數據冇可能齋靠人手嚟監察得嗮，所以首先就要靠交易處理系統等嘅資訊系統，將呢啲數據冚唪唥紀錄在案，整合嗮有關成條供應鏈（supply chain；指啲貨由原材料至生產至批發嘅過程）嘅數據，等管理層有得攞呢啲資訊嚟做上層嘅決策－即係支援供應鏈管理嘅工作^[1]。