人類進化

人類演化（Human evolution）係指智人呢個物種嘅起源同埋演化，呢個係相對於第啲人科動物（hominid）、大猿同埋胎盤哺乳動物來講嘅。對於人類演化嘅研究涵蓋幾個科學學科，包埋體質人類學、靈長類學、考古學、語言學同埋遺傳學。

喺人類演化嘅脈絡入面，「人類」呢個專有名詞指嘅係「人屬」，之不過人類演化嘅研究成日包埋第啲人科動物，比如講南方猿，人屬係喺約莫230萬到240萬年前嘅非洲，由南方猿人屬分支出來。科學家估計，人類約莫喺距離而家500萬到700萬年之間，由佢哋同埋黑猩猩嘅共同祖先分支出來。之後發展嘅若干人屬物種同埋亞種，已經滅絕。呢啲包括棲息喺亞洲嘅直立人、棲息喺歐洲嘅尼安德塔人。古智人約莫喺距離而家40萬年到25萬年之間演變出來。