人均本地生產總值（GDP per capita）係一種經濟指標，指個經濟體每單位人口有幾多本地生產總值（GDP）。
人均本地生產總值嘅公式係：
- 本地生產總值 ／ 當地人口 = 人均本地生產總值
人均本地國內生產總值通常廣泛用嚟衡量國民／市民平均生活水準或者經濟福祉嘅指標，但都有公認嘅缺點，例如：
- 佢冇顯示生產總值－即係收入－嘅分配情況，假如一個地方人均本地生產總值高，但係堅尼系數亦都好高，咁爾個地方會係有人「朱門酒肉臭」，有人仍住陋巷、劏房，幸福指數唔會高。
- 有啲地方大量聘請外勞，爾啲外勞對當地生產有經濟貢獻但係冇計入人口，咁就會虛大咗個指標值。
