人耳鼠

人耳鼠（英文：earmouse，又作Vacanti mouse）係隻喺實驗室用生物工程技術整出來嘅老鼠。佢背脊道有塊軟骨，望落去好似人嘅耳仔噉。20世紀90年代末，隻老鼠嘅相喺互聯網廣為流傳，並且激起過一股反基因工程嘅抗議浪潮。

人耳鼠

誕生

人耳鼠係由麻省大學醫學院嘅 Charles Vacanti 同同事一齊整出來，成果1997年發表。佢哋首先將牛軟骨細胞放落一個生物相容性好好嘅耳形模裡面培養。培養到差唔多成形，就移植入一隻經過基因改造而缺少排異反應嘅老鼠皮下。爾種經過基因改造嘅老鼠喺生物科研試驗裡面經常用到，叫做裸鼠。