今昔文字鏡（日文假名こんじゃくもじきょう），軟件一套，檢字軟件。以唐字為本，收集古今字，至新一版有十七萬字。曾經開網上版，後尾收咗。收集咗大量字，亦出版字款。
文字鏡收集唔同字，起首為諸橋轍次編嘅大漢和辭典所有唐字。又收和製漢字、簡化字、方言字、甲骨文、篆書等各類唐字。重有喃字、水族文字、悉曇文字、西夏文字、變體假名、臺灣話假名等其他文字。
軟件係日本人古家時雄所創。一九八六年，開公司，準備搞今昔文字鏡。一九九六年，設文字鏡研究會。二〇一八年八月十二號，古家時雄死。石川忠久接手，二〇一九年解散個會。成果仍可以喺網上搵到[1]。
