仙絕

《仙絕》係起點中文網作家石三嘅一本修真小說，講南荒魔道之主崔燦神符逝去、被道侶出賣、正魔兩道攻擊，身消道隕，轉世重修竟然去到若盧獄——正道用嚟囚禁魔修嘅地方。憑住上一世嘅修真經驗，以獄卒武羅之名，一步一步修練，重新踏上天下巔峰，修仙證道嘅故事。

全書一共四百三十九章，248.68萬字，喺起點中文網上面累計獲得十萬個收藏。

人物一覽

内文：仙絕人物一覽

人物	簡介
崔燦（上一世）	上一世係南荒帝君，但被身邊女人背叛、正魔兩道圍攻下慘死。 今世雖然只係個小小獄卒，但反而收獲到友情、愛情、親情，乃至得證仙道，飛昇上界。
武羅（今世、主角）
向狂言	南荒第一符師，因為符師身份尊貴，可以自由出入南荒、中州。同武羅上一世已經認識。
谷牧青	天下第一女神捕，同上一世嘅南荒帝君已經眉來眼去，今世終成眷屬。
朱瑾	終南山大長老朱清江嘅女，性格巴辣但係喺阿爸阿哥心目中係乖乖女，因意外同武羅結識。
左師夜舞	天剎魔姥，係「上界」嘅一方魔頭，被追殺嚟到五方界結識到武羅。
麻子衿	向狂言嘅徒弟，對武羅暗生情愫，但係礙於身份唔能夠表達愛意。
盧念武	道號六火居士，中洲第一丹師。
巫千壽	中洲第一器師，但係武羅機緣巧合得到練器寶典《八荒鍛造》，巫千壽好想學，所以拜咗佢為師。
鬼厲名	崔燦在生嗰陣佢曲意奉承，後來勾結中洲正道背叛南荒帝君，武羅後嚟成功報仇殺咗佢。
林絕峰
黑無命
祖千秋
梁沫羽

設定

世界

五方界

上一世嘅崔燦同今世嘅武羅生活嘅世界，自古以嚟天下五分，分為中土、南荒、東土、西域、北疆，五方土地除咗中土、南荒之間仲有少量嘅聯繫之外，其他幾界近乎隔絕。除此之外仲有其他細小嘅世界，例如武羅曾經去過嘅地底世界咁。

九界星河

飛昇之後，武羅理解到呢個世界其實係一片浩瀚嘅宇宙，入邊有無數咁多嘅星球。唔同星球嘅能量等級都唔同，最高嘅嗰粒就叫仙界，其他就分為甲乙丙三級，每粒都有一個編號，五方界都只係其中一粒，正式編號係「乙字七十七號」。