伏爾泰（法文：Voltaire，1694年11月21號—1778年5月30號）係法國啟蒙時代思想家、哲學家同文學家，亦都係啟蒙運動公認嘅呀頭同師父，更被譽為「法蘭西思想之父」。佢唔單只響哲學上有卓越成就，亦都以捍衛公民自由（特別係信仰自由同司法公正）而出名。雖然佢身處嘅時代有好嚴厲嘅審查制度，伏爾泰依然公開去撐社會改革。佢嘅論說經常諷刺同抨擊天主教教會嘅教條同法國教育制度。而佢嘅著作同思想同賀布斯、約翰洛克相似，對美國革命同法國大革命嘅思想家都有唔少影響。
_-002.jpg)
