佐治三世

英王佐治三世（英文：George III，1738年6月4號—1820年1月29號），1760年到1800年係大不列顛王國兼愛爾蘭王國國王，1801年到1820年係聯合王國國王。佢亦係漢諾威選侯基奧格三世·威廉·腓特烈（德文：Georg III Wilhelm Friedrich，1760年到1807年在位）、漢諾威王基奧格三世（德文：Georg III，1814年到1820年在位）。

佐治三世

佐治三世任期六十年。期間英國喺七年戰爭打贏法國，國力得以提升；之後喺美國獨立戰爭輸咗冇咗一大片北美殖民地；再之後對法國嘅法國大革命戰爭同埋拿破崙戰爭，最後以滑鐵盧戰役嘅勝利告終。

同樣喺任內，佐治三世試過幾次精神病發作，1810年嗰次之後，佢大仔威爾斯親王佐治做咗攝政王子，而佢自己就再好唔返。佐治三世1820年駕崩之後，威爾斯親王佐治成為佐治四世。