何東家族係香港嘅大家族,始於1890年代,至今仍然有一定影響力。

家族史 編輯

何東家族嘅起始人係荷蘭籍猶太人何仕文,佢喺1859年就嚟到香港做生意,直至1873年離開香港去到英國發展,到1892年過身。喺佢逗留香港期間,識咗華人女人施娣,施娣最後同佢生咗一女四仔,另外施娣又同郭興賢生咗兩仔兩女,形成著名嘅「何九宅」。

「何九宅」入面,除咗早死嘅郭茂超,全部仔女都係姓何。何姓嘅來源有話係因為由何仕文嘅荷蘭姓Bosman演變而成,亦有話係因為何仕文嚟自荷蘭而得名。

何東佢哋雖然係混血兒,但係並唔以西人自居,而且會話自己係寶安人(阿媽施娣係寶安人)。