何欽吉

何欽吉（粵拼：ho4 jam1 gat1；—1658年），明朝遺民、醫學家，江戶時代日本人物，廣東潮州府澄海縣人氏。為咗躲避明末戰火，嗰陣時嘅何就離開鄉下，漂流到薩摩國內之浦（而家鹿兒島縣肝付町），歸化咗日本，同時係將中醫藥學推廣到當地。

何係喺1646年由汕頭出發，遠渡日本嘅都城，寫落唔少醫術同醫藥著作，俾都城人尊稱做「醫學鼻祖」。後尾移居到都城嘅「唐人町」。島津15代都城藩主久直嘅遺孀春嶺，對何做醫生開嘅啲嘅藥方，有好高嘅評價，而重用咗何做待醫 ，何就受咗二十石米嘅奉祿，服侍咗春嶺12年直到過身。而何嘅後代，就成為咗都城後邊產業發展嘅中心人物之一。

發掘嘅藥材

佢喺住地東邊嘅三股町山區度，發現咗「高麗人蔘」（又叫東洋蔘，根部係竹節蔘，藥材），畀當作真高麗人蔘嘅替代品。何欽吉發現同推廣嘅竹節人參，就演變成日本人蔘、薩摩小人蔘。到而家嘅日本漢方藥整嘅小柴胡湯、麥門冬湯、理中湯、半夏瀉心湯，入邊都會用呢種人蔘。

墓地

何欽吉墓依家係宮崎縣嘅指定文化財，位置喺都城市鷹尾町都城西墓地入邊。