佛山地鐵3號綫

佛山地鐵3號綫係佛山起緊嘅一條地鐵綫，由佛山市鐵路投資公司主導、以「BOT」融資開發方式建設運營。綫路北起佛科院仙溪校區站，南到順德客運港站，呈西北–東南走向，全長69.5km，設置車站37座、車輛段一座、停車場兩座。

佛山地鐵3號綫
File:FSM Line 3 icon.svg
概覽
營運地區	中華人民共和國，佛山
服務類	城市軌道交通
線路類	市域快速鐵路
線路長	69.5km
車站總數	37
軌道標準	1435mm
列車偏組	6輛編組B型列車
營運資訊
營運單位	佛山市鐵投有限公司

綫路

佛山地鐵3號綫全長69.5km，其中高架段7.2km，過渡段1.4km，地下段60.9km。總共設置37座車站，其中高架站3座，地下站34座，換乘站13座，平均站距係1.84km。

綫路設置四座主變電所，分别係火車站主變、水口主變、大良主變、獅山主變；喺灣華站附近設置控制中心。

車站

全綫設置37座車站，由北往南依次為： 佛科院仙溪校區、大學城、獅山、太平、興業路、佛山西站、羅村、佛山機場、桂丹路、火車站、中山公園、疊滘、南海廣場、桂城、鎮安、電視塔、深村、灣華、東平、大墩、水口、美旗、北滘、高村、北滘新城、三洪奇、倫教、荔村、順德人民醫院、環市北、大良鐘樓、東樂路、駒榮北路、順德一中、順德歡樂海岸、順德學院、順德客運港

• 部分站名係工程名，以開通時實際使用為準。
• 三洪奇、倫教同佛科院仙溪校區係高架站，其餘嘅車站都係地下站。

換乘站

• 佛山西站：換乘4號綫。
• 火車站：換乘5號綫。
• 桂城站：換乘1號綫。
• 電視塔站：換乘4號綫。
• 灣華站：換乘2號綫。
• 東平站：換乘6號綫。
• 北滘新城站：換乘廣州7號綫。
• 環市北站：換乘9號綫。
• 東樂路站：換乘11號綫。
• 順德一中站：換乘13號綫。

車場

綫路設置一段兩場，分別係獅山車輛段、北滘停車場、逢沙停車場。

控制中心

3號綫設置灣華控制中心一座，佢係佛山軌道交通行車指揮、電力監控、環境監控、防災監控同調度指揮嘅中心，亦係全綫嘅通信樞紐同信息交換處理中心。

控制中心大樓預留咗八條綫嘅控制中心設備用房同維護管理用房，重設置咗清分中心系統、票務管理用房、運營管理用房、運營人員培訓用房、部分軌道交通檔案庫同科普中心。

歷史

• 2016年11月17號，3號綫開工儀式喺獅山站工地進行。呢次開工嘅係3號綫穩定段，由獅山站到東樂路，長55.8km，設站30座。
• 2017年4月27號，首部盾構機喺東平站始發，向大墩站掘進。

建造方式

3號綫嘅建設運營採用咗「特許經營權」（BOT）嘅模式，由佛山市鐵投集團同中國鐵建等10個單位組成聯合體，共同承擔建設同後續運營工作。作為佛山市最大嘅獨立工程，根據估算，3號綫嘅建設投資超過咗400億人民幣。

地鐵項目BOT模式，就係政府通過契約去授予投資企業單位一定期限嘅特許經營權，准許佢去融資建設同經營地鐵項目，重准許佢通過向乘客收取車資等服務形式嚟償清貸款、回收投資同賺取利潤；特許經營權期限到咗之後，地鐵項目將會無償移交畀政府。