你哋冇做錯到

「你哋冇做錯到」係2014年一句出自前香港警務處處長曾偉雄口中嘅說話，當時香港警察對付非法堵路嘅示威者。曾偉雄處長喺警察總部，向數百名參與處理非法堵路嘅前線警員打氣，高呼「你哋冇做錯到」。而過程被拍下而且喺網上流傳，曾偉雄因而備受社會人士

批評。

之後喺一啲香港警察嘅新聞被報道嘅時候，有啲網民就會攞呢句說話來揶揄香港警察。

外間批評

• 香港中文大學政治與行政學系高級講師蔡子強話，咁樣只會對局勢火上加油，令警隊內部同公眾期望愈走愈遠，甚至各走極端，就算贏到一時嘅掌聲，但就令自己再無轉圜餘地，做法愚蠢。
• 社會主義行動成員陳彼得形容，呢句話成為咗香港警察對公眾態度嘅分水嶺，變得越來越仇視示威者，成為了中共政權嘅半軍事武裝部隊。