佢只係個細路呀

佢只係個細路呀（原文：他只是個孩子呀）係一個網絡Meme，一張出自中國古裝電視劇《絕世高手之大俠盧小魚》嘅劇照，入面一個著古裝嘅中年女演員喊住咁講「他只是個孩子啊！」。呢張圖之後不時被唔少香港網民用嚟回應細路不當行為嘅萬能key，用嚟諷刺家長縱容孩子。

迷因出處

劇照出自2014年中國古裝電視劇《絕世高手之大俠盧小魚》，首集講述武林高手盧小魚落山返鄉下過年，以諷刺手法講述過年嘅時候遇到嘅細路孩會點樣搞破壞，連絕世高手都被玩到崩潰。有個小朋友將成碗麵倒喺盧小魚頭上，盧感氣憤，於是同佢阿媽盧七姑理論，結果不單無得到道歉或教晦，反而以一句︰「他只是個孩子！」來耍掉他，叫對方遷就個小朋友。盧小魚照辦煮碗將整碗麵倒在盧七姑頭上，盧七姑動氣，然後動手一巴掌摑到小魚臉上，點知盧小魚嘅爸爸向七姑還擊一大巴，然後又一句「他只是個孩子」，如是者，七姑嘅爸爸還手，小雨嘅爸爸嘅爸爸又還手，七姑嘅爸爸嘅爸爸再還手，直至驚動咗已入土為安嘅祖先爺。

評論

娛樂評論專欄作家余建形容，呢個迷因被廣傳，係因為大家都受夠啲細路仔，同埋家長嘅無理縱容，就算劇集本來出自中國，但香港情況都唔係好好多。