佳龍駒

佳龍駒（英文：Rapper Dragon），係一隻香港賽馬馬匹，2012年喺澳洲出世，係2016/2017馬季嘅最受歡迎馬匹、最佳中距離馬、香港馬王得主。呢匹洪祖杭名下賽駒，唔止係香港賽馬史上頭一匹成功贏晒四歲三冠王（香港經典一哩賽、香港經典盃、香港打吡大賽）嘅賽駒，同時亦係香港賽馬史上首匹追封嘅香港馬王。

2017年5月7號，佢喺沙田馬場角逐國際一級賽冠軍一哩賽嗰陣，比賽中段，响巴西籍騎師莫雷拉胯下急速墮退，被收停送院。馬會獸醫其後證實咗佢盆骨撕裂，重出現嚴重併發症，經搶救無效後，傷重不治，結束2年嘅光輝競賽歲月，死後骨灰被送往哥連臣角火葬場火化。