偏振（粵拼：pin1 zan3；英文：polarization）係物理學上講到，一種有關波動嘅現象。想像而家有一股高低波，佢啲振動係同股波動嘅行進方向成垂直嘅。然後佢通過一塊特製嘅表面，塊表面有啲特殊性質，會篩走某啲振動方向嘅成份，令到最後出嗰股波淨係得沿某個方向振動嘅波。
偏振現象嘅抽象圖解：一股有齊唔同方向嘅振動嘅波動通過 S1，剩係得返沿一個方向振動。
