傷健運動員又叫傷殘運動員係指因為身體有缺憾嘅殘疾人士，例如：聽力、視力、語言、智力、肢體等，而唔能夠參加正式比賽嘅運動員。佢哋參加嘅比賽同正式比賽嘅規則會有啲分別，會根據殘疾程度分為幾個級別，雖然大部分比賽規則同都會同正式比賽類似，但會根據殘疾人士嘅身體能力而略為修改，場地規格亦會根據需要而作出修改。
大部份傷健運動員都由於唔夠知名度而得唔到贊助，所以佢哋並非全職運動員，唔少傷健運動員有一份半職嘅工作，有啲更加要一路訓練、一路返工、一面進行復康。
