傾轉旋翼機

  提示：呢篇文講嘅唔係旋翼機或傾轉主翼機。

傾轉旋翼機係一種同時裝有固定翼同旋翼（螺旋槳）嘅垂直/短距離起降飛機。

阿古斯塔韋斯特蘭AW609傾轉旋翼機

V-22「魚鷹」傾轉旋翼機

同其他固定翼飛機唔同嘅係，傾轉旋翼機可以靠傾轉引擎改變推力方向。當引擎垂直向上指嘅時候，傾轉旋翼機可以好似橫列式直升機恁樣垂直起降、懸停或者低速盤旋；爾當引擎向前指嘅時候，傾轉旋翼機又可以好似固定翼飛機恁向前飛，速度可以快過直升機好多。

絕大部份主流嘅傾轉旋翼機（例如V-22同埋AW609）都將引擎裝喺機翼嘅兩端。不過亦都有啲實驗機型（例如「零號計劃」）將引擎裝喺機翼嘅中間。