儀象考成

儀象考成，為大清時星表，為現代星名之根據，今日星官後之數字，都係儀象考成所編。乾隆時為西洋天主教傳教士戴進賢做欽天監。引入西洋星表，或者唔夠瞭解傳統，訛變甚多。由於日後不驗，道光年間，又重新觀測，當時已非傳教士做欽天監。

伊世同編有中西對照恆星圖表。本書基於儀象考成。現時坊間星圖，多數據此而對照。另外陳遵媯一九三七年編有恆星圖表，之後修訂錄入中國天文學史一書，有中西星名對照表，同西中星名對照表，亦係對照來源。儀象考成，並唔係粒粒星都可對到。

儀象考成分成赤道星表，黃道星表。黃道星表由赤道星表推算出來，誤差大過赤道星表。

據潘鼐著之中國恆星觀測史，雖有話觀測，實際非是。當時儀器去唔到秒，而儀象考成竟然去到秒，抄西洋星表改算明顯。兼多數人手都係計算之上。西洋星表同傳統星官，大有唔同。同崇禎曆書都唔同。同傳統比，訛誤更有百分之二十，同步天歌唔吻合，同大宋所記唔吻合。若要涉及傳統考據，不能用儀象考成之星表。

儀象考成續編

對到道光時，發現儀象考成有偏差，道光二十二年再修續編，道光二十四年完成。依次做過啲實測，做過較正。添咗好多星，有啲無寫入儀象考成續編，而另立表。不過張表下落不明。