圖帖睦爾
(由元文宗跳轉過嚟)
圖帖睦爾（1304年2月16號—1332年9月2號）係大元第八個皇帝，1328年到1332年在位（1329年有幾個月曾經短暫讓位），跟廟號叫元文宗。
圖帖睦爾係元武宗個仔。致和元年（1328年）七月，元泰定帝也孫鐵木兒過身。九月，泰定帝個仔阿速吉八喺上都登基做皇帝。[1]同一個月，圖帖睦爾亦都喺大都登基做皇帝。十月，支持圖帖睦爾嘅一派打敗咗支持阿速吉八嘅一派，《新元史》話之後阿速吉八下落不明。
1329年，圖帖睦爾將個皇帝位讓畀佢阿哥和世㻋（元明宗），但係和世㻋喺同年就過身，之後圖帖睦爾又做番皇帝，史稱天曆之變。
1332年9月，圖帖睦爾過身，之後由和世㻋個仔懿璘質班繼位，就係元寧宗。