免費午餐
呢篇文講中國社會福利基金會屬下嘅機構。想搵經濟學常用嘅名言嘅話，請睇冇免費午餐噉嘅嘢。免費午餐（粵拼：min5 fai3 ng5 caan1；簡化字：免费午餐；英文：Free Lunch for Children）係中國社會福利基金會屬下嘅慈善機構，2011年4月2號成立。
由來 編輯
2011年2月，國務院發展研究中心中國發展研究基金會出嘅一份同中國貧困地區學生有關嘅營養調查報告，話中、西部貧困地區啲細路超缺營養。其中被調查嘅學生範圍入面，有12％遲發育，72%上緊堂時肚餓；學校嘅寄宿生體重同身高方面，全國農村學生嘅平均水準都低過市區，其中男仔分別低過10kg同11cm，而女仔分別低過7kg同9cm。報告重話中國啲細路喺低收入家庭出現，令將來嘅人力資本出現巨大損失，形成「貧困代際」嘅傳遞。重強調政府應該將兒童嘅營養干預納入基本職責，由執政黨同國家做出政治承諾。同年4月2號，鄧飛同500位記者、中國大陸幾十家主流媒體、及中國社會福利基金會一齊搞免費午餐基金公募計劃，提出為貧困學童提供免費午餐。