內隱記憶

內隱記憶（粵拼：noi6 jan2 gei3 jik1；英文：procedural memory / implicit memory）係指啲無意識嘅記憶。一個人嘅行為會受內隱記憶影響，但係佢唔會有能力口頭噉將啲內隱記憶報告返出嚟^[1]^[2]。

心理研究

舉例說明，有一份研究揾咗一班人返嚟，呢班人當中一部份係小腦（cerebellum）有病變嘅，並且教佢哋做一啲講求反應快嘅作業；結果發現，小腦健全嘅受試者一路做呢啲作業，表現會隨住學習而變好（反應時間變到愈嚟愈快），而相比之下，小腦有病變嘅病人喺口頭答啲有關嗰柞作業嘅問題嗰陣，同健全嘅受試者冇分別，但係當要佢落手做嗰陣，就做極表現都唔會變好^[3]。

呢類嘅研究表示咗：

（一）喺一個人學做某一啲作業嗰時，佢會學到一啲口頭報告唔到出嚟嘅知識；

（二）呢啲知識對於成功噉做嗰啲作業嚟講好緊要；

（三）學呢啲無意識嘅知識所涉及嘅腦區同學外顯知識所涉及嘅唔一樣，當中小腦喺學內隱知識上擔當咗重要嘅角色^[2]。

特性

內隱記憶係高度自動化嘅^[4]：當一個人記起內隱記憶嗰陣，佢個身體基本上實會自動噉將啲記憶轉化做相應嘅動作，所以個人好難有意識噉控制或者回想佢嘅內隱記憶。好似係行路、綁鞋帶、同埋打機嗰陣嘅反應都涉及咗內隱記憶。

睇埋

參考

↑ Procedural Memory: Definition and Examples. LIVESCIENCE.
↑ ^2.0 ^2.1 Mochizuki-Kawai, H. (2008). Neural basis of procedural memory. Brain and nerve= Shinkei kenkyu no shinpo, 60(7), 825-832.
↑ Molinari, M., Leggio, M. G., Solida, A., Ciorra, R., Misciagna, S., Silveri, M. C., & Petrosini, L. (1997). Cerebellum and procedural learning: evidence from focal cerebellar lesions. Brain: a journal of neurology, 120(10), 1753-1762.
↑ Schacter, Daniel L; Gilbert, Daniel T; Wegner, Daniel M (2010). Implicit Memory and Explicit Memory. Psychology. New York: Worth Publishers. p. 238.

[1] Procedural Memory: Definition and Examples. LIVESCIENCE.

[mochizuki2008-2] 2.0 ^2.1 Mochizuki-Kawai, H. (2008). Neural basis of procedural memory. Brain and nerve= Shinkei kenkyu no shinpo, 60(7), 825-832.

[3] Molinari, M., Leggio, M. G., Solida, A., Ciorra, R., Misciagna, S., Silveri, M. C., & Petrosini, L. (1997). Cerebellum and procedural learning: evidence from focal cerebellar lesions. Brain: a journal of neurology, 120(10), 1753-1762.

[4] Schacter, Daniel L; Gilbert, Daniel T; Wegner, Daniel M (2010). Implicit Memory and Explicit Memory. Psychology. New York: Worth Publishers. p. 238.

[1]

[2]

[3]

[4]