兩棲戰

兩棲戰 (英文：Amphibious warfare) 係一種進攻式嘅軍事行動，依家通常都係用海軍嘅船嚟上一個敵人控制住嘅沙灘岸。歷史上，例如一戰嗰陣，海軍陸戰隊會用細嘅潛水艇或者充氣嘅艇嚟上岸。

1942年嘅軍事演習期間，一架坦克由一隻船行出嚟

喺大英帝國，兩棲戰又會叫做“Combined Operations”，即係：包含哂海軍、陸軍、同埋空軍嘅行動。

自從20世紀以嚟，軍事學家一般都認同，軍隊經過海灘上岸，係最複雜嘅軍事行動。呢種行動需要有空軍保持住制空權、海軍開住槍火、唔同嘅船亦都要維持住穩定嘅物流。最後，行動亦都需要有陸軍負責準備好喺陸地上面打仗。

打兩棲戰嘅目標，一般都係要打破敵人對個岸邊嘅控制，跟住之後再打入埋陸地。因為兩棲戰嘅複雜同埋麻煩，所以計劃時間比較長，同埋需要嘅情報比較多。雖然佢哋好多時候，都係會先上海灘，不過如果能夠掌握得到個軍隊，有時係可以直接喺城市上岸。