兩輪選舉制

兩輪選舉制又稱「兩輪投票制」、「兩輪決選制」，指第一輪選舉入面冇人攞到絕大多數票，就會出現第二輪投票嚟決定最終贏出者嘅選舉制度。

圖入面個例子，只有得票最高嘅兩位候選人能夠入去第二輪投票。

概要

大多數國家選舉入面冇人攞到過半數選票，咁樣就會揀攞到票數最高嘅兩者進行第二輪投票，而候選人係冇投票權。呢種方法會用喺總統同埋立法機關嘅選舉。

比如話喺國民議會議員同埋總統選舉：

• 總統選舉所用嘅制度，喺第一輪投票入面攞到過半數選票嘅人就可以當選做總統，如果冇人喺第一輪投票入面攞到過半數選票，就會係第一輪投票入面攞到最多票嘅兩位候選人再進行一次投票，而喺第二輪投票入面攞到比對手多選票嘅人就可以當選做總統。
• 國民議會議員選舉所用嘅制度，如果攞到過半數選票就贏出，攞唔到過半數選票或者得票率達12.5%就要進入第二輪投票，攞到最多票嘅贏出。

除咗單一選區之外，複數選區用名單比例代表制嘅選舉都可以進行兩輪投票，例如而家嘅匈牙利國會、法國部份地方議會嘅選舉。

選舉方式

• 經過兩輪投票，以攞到過半數選票者贏出。例如法國第三、四共和國會兩院聯席選舉總統嘅方法。不過，當時規定直到選出結果為止，有可能變相成為多輪投票。

• 經過兩輪投票，以攞到票數最多者贏出。例如德國威瑪共和嘅聯邦大總統選舉。

• 喺首輪投票入面攞到最多票數嘅兩個人，進入第二輪投票，以攞到過半數票者贏出。例如美國副總統選舉第二輪係由參議院選出。

• 喺首輪投票入面攞到票數最多嘅兩個人，進入第二輪投票，以攞到票數最多者贏出：

1. 兩輪都係直接選舉。例如德意志帝國議會議員、上面提過嘅法國第五共和、巴西同智利等國嘅總統選舉。
2. 首輪直接選舉、次輪間接選舉。例如智利喺1925年憲法規定總統第二輪選舉改咗畀國會參眾兩院聯席選出。

• 喺首輪投票入面攞到選票達到法定上限嘅人，就進入第二輪投票，以攞到票數最多者贏出。例如上面提過嘅法國第五共和國民議會議員選舉。

• 喺首輪投票入面攞到選票最多嘅三個人，就進入第二輪投票，以攞到過半數選票者贏出。例如美國總統選舉第二輪係由眾議院選出。

• 喺首輪投票入面攞到選票達到法定上限嘅前三個人，就進入第二輪投票，以攞到票數最多者贏出。例如匈牙利喺2014年改嘅國會議員選舉方法，得票率要去到15%嘅前三個人，又或者達到15%但係唔夠三個人嗰時就改為攞到選票最多嘅三個人，就進入第二輪投票。

採用國家

奧地利、巴西、芬蘭、法國、加納、葡萄牙、羅馬尼亞等國家嘅總統選舉都用呢種制度。而喺美國，有啲選舉都會用到呢種模式。

睇埋

• 多數制
• 小選區制