公園前站 (長野)

  呢篇文講日本中部地區長野縣嘅公園前站。想搵其他城市嘅公園前站嘅話，請睇公園前站。

公園前站（粵拼：gung1 jyun2 cin4 zaam6；日文：公園前駅）係日本中部地區長野縣嘅一個已經停運咗嘅車站，佢係上田交通真田傍陽綫嘅一個車站。喺1927年開放，到咗1972年先至停運。

公園前 Kouenmae
公園前站嘅外觀
概覽
位置	日本中部地區長野縣
座標	36°24′10.3″N 138°14′48.1″E
經過路線	真田傍陽綫
啟站	1927年11月20號
停用日期	1972年2月19號
上田交通真田傍陽綫 上田站　◄上田站 北大手站►　傍陽站

史

規劃、喐手起、通車

上田温泉電氣軌道（而家係上田交通）係因為徵求咗上田市同埋小縣郡東北邊嗰五個村嘅居民意見話先至臨時起呢個站嘅，而嗰時嘅鉄道省線係為咗上田市嘅居民方便同入面嗰5個村民方便嘅同時，重規劃究竟係向東行定係向北行，結果上田市西北邊嘅居民就支持向北行。而嗰時起緊向北行嘅路線嗰陣，難題就出咗嚟，就係喺上田城嘅城堡附近，因為嗰時嘅上田城園區入面，重喺度起緊二之丸運河嘅路線。直到1927年11月20號，上田交通真田傍陽綫嘅一期路線（上田往返伊勢山）正式開通。

車站開通咗之後嘅利用狀況

喺公園前站開緊嗰陣，上田市公會堂嘅屬下就將呢個站嗌成「公会堂下站」，不過到咗1948年又改返嗌之前施工嗰陣嗌嘅「公園前站」，嗰時條路線係去到長野縣上田高等学校附近。嗰時喺村嘅東北邊啲學生仔因為知火車嚟咗佢學校附近，所以啲學生仔喺川原柳站同北上田站嗰度比較多人上落車；而川嘅西邊啲學生仔就成日喺上田站上落車；其它時間嚟講就比較少人上落。但如估間高校有棒球大賽，而且喺上天嘅主會場入面辦嘅話，呢兩個站又係比較多人上落。

停運

到咗1972年2月19號，由於上田交通傍陽綫正式停運，所以呢個站都停運埋。而呢個站附近都係一片市民廣場同休息場所，不過起緊傍陽綫凈低落嚟嘅月台同軌道，而家都重留咗響度。

附近嘅車站

上一站⇚⇚　　　　上田交通　　　　⇛⇛下一站
上田站 總站←	公園前站 真田傍陽綫	北大手站 →傍陽站
註：呢個站喺1972年2月19號停運。