公安消防部隊
組織
編輯公安部消防局指導各地公安消防部隊:
- 各省(直轄市、自治區)公安廰/局設消防局,亦即係中國人民武裝警察部隊某某省/某自治區/某直轄市消防總隊。省廳消防局係正師級,但任務繁重嘅省消防局亦可升格為副軍級,局長政委被授予武警少將警銜。消防總隊内設司令部、政治部、後勤部、防火監督部,全部都係副師級。
- 地方/市公安局設消防局,正團級。亦叫做中國人民武裝警察部隊某某省/某自治區消防總嘅某某市消防支隊。消防支隊下設置若干負擔消防滅火嘅消防大隊,屬於正營級。消防大隊之下設有若干消防中隊/支隊直屬特勤中隊。
- 縣/區公安局設消防科,屬正營級,負責防火監督工作。消防支隊喺各縣/區設有消防中隊,負責縣域裏面嘅消防救援任務。
- 鐵路公安系統、交通公安系統、民航公安系統、森林公安系統嘅防火同滅火工作,由各行業公安系統内部自行設置機構/單位承擔,同公安消防部隊無關。
成員分類
編輯公安消防部隊人員可分為部隊管理人員、滅火救援指揮訓練以及基層分隊管理人員、消防監督檢查人員、建築防火設計同審核人員、火災勘查專業技術人員、核生化消防專業技術人員等。