公安粵拼gung1 on1)係中國湖北荊州一個縣,位置係湖北省中南部邊緣,長江南岸。總面積2258平方公里,人口105萬。其中大部份係漢族人,方言係西南官話

呢個地方古代叫做「梅園」,最早喺漢朝漢高祖五年(公元前202年)建立,嗰陣叫「孱陵」。後嚟因為東漢末年,左將軍劉備領荊州牧,駐軍喺油江口(而家叫斗湖堤),當時嘅人叫佢做「左公」,「公安」呢個名就係源自「左公安營紮寨之地」。除此之外公安都有「三袁故里」、「百湖之縣」、「七省孔道」等等嘅別稱。