冇扣

冇扣（noclipping）係第一人身電子遊戲入面嘅一種茅招，指個玩家用某啲方法（例如係秘技程式）令到玩家角色睇嘅嘢嘅鏡頭唔受任何物件阻礙而且可以隨意郁動－喺第一人身嘅遊戲當中，遊戲畫面嘅鏡頭會擺喺主角嘅眼嗰度，而且定死咗郁唔到，一個令遊戲進入冇扣模式模式嘅程式會容許玩家以隻遊戲正常唔會容許嘅方法，將鏡頭移向任何方向而且唔受物件阻礙（例如令個鏡頭穿牆），令玩家能夠睇到一啲正常唔應該睇到嘅嘢。