再世紅梅記
《再世紅梅記》係仙鳳鳴粵劇團既劇目，個劇本係從明朝周朝俊既《紅梅記》改編而成，最早係喺1959年9月14日嚮香港利舞臺首演。《再世紅梅記》係唐滌生既遺作，佢喺睇緊呢套劇首演，到咗第四場「脫穽救裴」既時候死咗。
傳聞唐滌生改寫《再世紅梅記》既時候，喺街上面遇見終日流浪既南海十三郎，向佢請教而得出改篇明朝《紅梅記》既靈感。
呢套劇有六段，分別係：觀柳還琴，折梅巧遇，鬧府裝瘋，脫阱救裴，登壇鬼辯，蕉窗魂合。
古仔
編輯觀柳還琴
編輯《再世紅梅記》呢套劇開始既時候，喺官舫上面，太師府僕人賈麟兒（第二丑生）用數白欖既方法獨白交代套劇既背景，講賈似道係太師，雖然係高官，但係佢唔理元兵困襄陽，只求酒色，鍾意買妾，佢有七個老婆同埋廿九個妾侍，總共娶咗三十六個女人，最新收返嚟既李慧娘。而同時，李慧娘（正印花旦）就喺船上伏欄痛哭。
套劇既古仔係講裴禹（裴舜卿）去西湖玩既時候，偶遇咗賈似道最近娶返嚟既妾侍李慧娘，兩人一見鍾情。賈似道好嬲，殺死咗慧娘，將佢既棺材收埋喺紅梅閣。
注：原著講慧娘同賈似道同遊西湖既時候，因為回望斷橋上面既裴禹，又讚佢「美哉少年」，而引起殺身之禍。
折梅巧遇
編輯裴禹路過巧遇被解甲退職既總兵盧桐既女盧昭容，裴禹誤會佢就係慧娘，同佢講咗啲情話，令昭容以為佢心懷不軌，裴禹向昭容解釋。
鬧府裝瘋
編輯裴禹因為昭容似慧娘，頓生愛念。而賈似道亦同樣因為昭容似慧娘而想納佢做妾侍。盧桐拒絕咗佢，裴禹教盧昭容扮傻，點知俾賈似道識破咗，捉咗裴禹，將佢拘留咗係太師府裏面。盧桐帶住個女搬咗去揚州。
脫阱救裴
編輯慧娘既鬼魂出現，同裴禹相會，仲將佢救走，離開紅梅閣，避過賈似道既殺害。
登壇鬼辯
編輯賈似道質疑佢啲妾侍放走裴禹，責問既時候，慧娘既鬼魂現身，辯明一切，又幫裴禹去見昭容，希望裴禹可以同昭容結婚。
蕉窗魂合
編輯裴禹同埋慧娘趕到揚州既時候，昭容啱啱死咗，慧娘於是借屍還魂，同裴禹有情人終成眷屬。