冰滴咖啡，又叫做冰釀咖啡，係一種咖啡。佢係將啲冰慢慢溶解而成嘅冰水滴落裝咗咖啡粉嘅過濾器而成。
用咁長嘅時間滴一杯咖啡，成本高，但口感好。
荷蘭冰滴咖啡機用冰水慢慢滴，逐滴逐滴咁滴落咖啡粉嘅空隙，時間好長，差唔多要成8-10個鐘先可以將咖啡嘅精華萃取出嚟。
整好咗嘅冰滴咖啡可以裝入一個玻璃樽度，放入雪櫃三至八日，每一日攞出嚟飲嘅口感都會有唔同，好似品酒嘅感覺。
