冷鋒粵拼laang5 fung1)係氣象學入面——鋒面嘅一種。原理由冷氣團主動向暖氣團推進,取代咗暖氣團原有位置而形成。由於冷氣團密度大,暖氣團密度小,所以冷暖氣團撞埋一齊時,冷氣團會直插暖氣團下邊,令暖氣團逼住上升,過程空氣重出現冷卻現象。一般會形成降温、大風,如果暖氣團入面有好多水蒸氣,就會形成降水[註 1]雷陣雨[註 1]冰雹天氣;否則凈會形成多雲天氣。

冷鋒嘅符號

天文台畫天氣圖時,一般將冷鋒畫成帶有好多三角形嘅白或藍線條樣。

出現時段 編輯

 
冷鋒嘅天氣現象

地球上唔同地方,出現嘅冷鋒時間同形成時間都唔一樣。

位置 出現時間
北半球 高緯度 一年四季都有
中緯度 每年9月中到第二年4月底 最早喺8月底殺到,最遲喺第二年6月初收波,但亦出現過好少見嘅7月冷鋒。
低緯度 最頂籠去到北緯20°(北半球)或南緯20°(南半球),除非嗰條冷鋒同佢之後嘅冬季季候風有極高嘅氣壓同風力,冷鋒先會去到北緯10°(北半球)或南緯10°(南半球)地區,而極高氣壓同風力嘅冬季季候風最頂籠可以影響到北緯5°(北半球)或南緯5°(南半球)。
南半球 低緯度 每年3月中到當年10月底
中緯度 最早喺2月底殺到,最遲喺當年11月初收波,但未出現過好少見嘅1月冷鋒。
高緯度 一年四季都有

過境順序 編輯

冷鋒過境通常會出現以下情況:

天氣性質 過境之前 過境嗰時 過境之後
温度 出現驟降跡象
大氣壓 極速下降 降到最低後直接極速反彈[註 2] 上升
  • (北半球)從東北吹向西南
  • (南半球)從東南吹向西北
陣風轉移
  • (北半球)從北吹向西,多數係西北風。
  • (南半球)從南吹向東,多數係東南風。
降水[註 3] 層積雲卷雲喺暖空氣層面下,形成好多水蒸氣。夏天重因為出現颮線而有時出現雷暴跡象。 出現長時間落雨或雪(亂層雲)、雷陣雨或雷陣雪(積雨雲)嘅天氣。 落雨兼空氣清新
[註 3] 成日出現卷雲,個樣有啲似暖鋒[註 4],而且成日出現。佢同積雲一齊,喺暖鋒嚟之前都唔會走。而大嚿積雲通常喺高空積雲嘅下邊大過暖鋒,而且好多積雲都會喺鋒面產生降水天氣。 積雨雲同濃積雲好多時喺大片高積雲上邊形成,所以有時會睇到太陽出嚟。好少喺有亂層雲情況下出現繼發性驟雨。 高積雲或層積雲同卷雲一齊,喺散積雲同部分積雨雲嚟之前,行得重快過碎層雲
可見性[註 3] 收埋喺濃霧入面,勉強睇得到佢。 雖然清咗啲,但重係好矇。 除咗落雨或落雪天時之外,其它情況好清。
水珠位 高而平穩 突然之間跌落。 跌嗮落嚟
天氣 多雲/陰天 陰天/落雨/落雪/落冰/行雷 晴天/少雲

總而言之,冷鋒過境時嘅大體規律係鋒後有降水。

睇埋 編輯

編輯

  1. 1.0 1.1 中緯度或高緯度地區,重會出現降雪雷陣雪嘅天氣。
  2. 有時會出現「鋒前下降快,鋒後下降慢」或「鋒前上升慢,鋒後上升快」嘅跡象。
  3. 3.0 3.1 3.2 要有足夠水蒸氣情況下先會出現呢個現象
  4. 冷鋒啲卷雲比較細,暖鋒啲雲比較大。

連出去 編輯