初中畢業生學業考試（粵拼：co1 zung1 bat1 jip6 sang1 hok6 jip6 haau2 si3） ，簡稱中考（zung1 haau2），係中華人民共和國地區讀嗮九年義務教育之後嘅畢業同升學考試嘅嗌法，亦係高中同中專、技校等學校針對初中畢業生嘅選拔考試。
考試時間多數喺每年6月上旬或中旬嘅全國高考開考無耐之後，有少部分地區喺6月下旬開考，極個別地區喺7月初開考。喺開考前夕，各省市一般會舉行2次模擬考（部分地市係3次）。
考試制度最先喺1980年代初出現，初期最先同畢業考合埋一齊，嗰時學生考試肥佬咗，即使有高中錄咗都唔畀入學。直到1990年代初，各地將畢業考同升學考一分為二。2000年代初期又將體育科目加入考試當中。
