前山（葡文Casa Blanca，意思白屋）喺中國一地，喺廣東南岸，家下係珠海下香洲區一個街道，叫前山街道。大清時有前山寨，或者叫前山寨城，係海防要地，有縣丞駐。佢亦係廣州府三廳之一，叫前山廳，乾隆八年置[1]。
前山喺澳門西北，舊時係海邊，因對開多年沙坭淤積，家下變咗係水道邊。水道因而叫前山水道。
宋紹興廿二年，前山開埠。大明天啟元年設寨，派參將把守，以防西洋入侵。大清康熙五十六年，建城牆。一九八七年之前，設前山鎮。二零零一年八月，改爲街道，叫前山街道。
前山街道佔地五十三平方千米，常住人口十七萬八千，戶藉人口四萬八千，有社區居委會廿一個。
現時重留有部份前山寨城牆。
