影視評論（粵音：jing2 si6 ping4 leon6）顧名思義係指對影視作品嘅分析同評論。按照唔同作品類型，可以分成影評（評電影）、視評（評電視節目）同劇評（評戲劇，亦可以指評電視劇）等等嘅唔同範疇。一般嚟講，影視評論用意係想為大眾提供有關影視作品嘅資訊，方便大眾作出「呢套戲啱唔啱我睇，值唔值得花時間同使錢去睇」噉嘅判斷。喺學術界，學者有陣時亦會寫一啲理論性質嘅影視評論。
