劉劍倫
劉劍倫（—2003年3月4號）係中國學者，曾經係廣州中山大學附屬第二醫院退休教授。佢喺2003年2月21號，喺明知自己確診沙士嘅情況下去香港，聲稱參與親人婚宴，做咗超級傳播者嘅佢，將病毒帶來香港，最終令香港沙士疫情爆發，而去到3月4號，佢自己亦喺香港死咗。佢除咗令香港疫情爆發之外，亦喺京華國際酒店（後來改名做九龍維景酒店）嗰度傳染咗俾其他住客，導致越南疫情爆發以及其他國家都受病毒困擾[1][2]。
早期生涯
編輯死之前喺香港嘅活動
編輯劉劍倫去香港之前，沙士第一位超級傳播者周作芬正好喺佢任職嘅醫院接受治療，劉劍倫亦有同周作芬接觸。劉劍倫喺2月中出現症狀，但仍然同老婆喺2月21號由廣州來港，並入住京華國際酒店，一同入住911號房。但嗰陣佢喺9樓走廊打噴嚏、咳嗽，留下相當數量嘅病毒，專家經過疫調推估佢至少感染咗16位房客同1位訪客。其中包括四名新加坡人，三名加拿大人、一名二十六歲香港青年[3]。之後因為病毒傳播被關注嘅，包括由加拿大嚟香港探親嘅關水珠同埋華裔美籍商人鄭強尼[1][2]。
劉劍倫去到第二日已經病到去唔到原定婚禮，而鄭強尼同劉劍倫接觸後，鄭強尼喺唔知情嘅情況下，2月23號去咗越南公幹，令之後越南疫情爆發。而關水珠返回多倫多之後，亦將病毒帶到加拿大[1][2]。不過，加拿大一直都有強制進行隔離嘅公共衛生法，因而令加拿大疫情冇咁嚴重[2]。
離世同承認中共隱瞞疫情
編輯劉劍倫去到3月4號喺香港廣華醫院死咗，佢死前坦承生前曾暗中診治一種喺中國華南地區爆發嘅新型肺炎疫情（亦即係後來被被取名嘅SARS致命病毒）。佢一早知道華南地區有幾百位患者，但呢個係中國嘅國家機密。關於涉及嘅新病毒，動物係唯一嘅可能來源。佢嚟香港之前，病毒已經喺劉教授嘅醫院員工間飛快散播。佢哋亦發現，好多病患係同家禽有所接觸嘅農民。而華南地區嘅雞同其它家畜通常被養喺開放式嘅水溝旁邊，當地人近距離接觸各式各樣嘅活動物同死動物，仲有佢哋身上嘅病毒，中國南方就變成咗諸多不知名疾病嘅溫床[1]。
劉劍倫喺香港嘅妹夫曾經去廣華醫院探望劉，其後亦證實感染沙士，之後死埋[3]。
而去到3月19號，香港衛生署專家亦確認香港爆發沙士疫情嘅源頭，正正係劉劍倫[3]。
睇埋
編輯- 關於香港沙士疫情北京救港嘅觀點：有啲反駁呢個觀點嘅人，會引述劉劍倫嘅事，指係中國大陸政府隱瞞疫情先係令香港疫情爆發嘅原因。