劉嬰

孺子劉嬰（粵拼：jyu4 zi2 lau4 jing1）（孺讀餘；5年—25年）係西漢末代皇帝。

生平

孺子嬰係漢朝皇室成員，係漢宣帝劉詢嘅玄孫、楚孝王劉囂嘅曾孫，喺佢兩歲嗰陣就俾外戚王莽拉佢嚟做皇帝。但係因為年紀太細，未有正式登基，純粹係皇太子。王莽嗌自己做攝皇帝sip3 wong4 dai3，實際已經係皇帝，只係喺見孺子嬰嗰陣至話自己係臣。即係話，孺子嬰實際係傀儡。

8年，王莽將「攝皇帝」稱號改稱「假皇帝」；同年，王莽索性自己做皇帝，國號「新」，劉嬰就變成定安公ding6 on1 gung1，長期游手好閒咁住喺宮入面。

王莽將年幼嘅劉嬰隔絕，任何人包括奶媽都唔准同佢談話，搞到劉嬰大個咗之後，連雞、牛、羊等動物都認唔到，知識面同細路仔冇分別。

25年2月，劉嬰喺王莽被殺之後俾人捉咗去，喺臨涇被立為皇帝。但一個月之後又俾人攻打，最後俾亂兵殺咗。