猜包剪揼

(由包剪𢱕跳轉過嚟)

 猜包剪揼粵拼caai1 baau1 zin2 dap6 或者叫 猜呈尋粵拼caai1 cing4 cam4 係種零和訊息不完全、冇「純對策納殊平衡點」嘅遊戲。本身係兩人遊戲,亦可以推廣成多人遊戲即係paper即係scissors,而就係rock

包剪揼圖

包剪揼亦都創造成漢堡包呢個遊戲,輸咗嘅人將隻手疊埋,淨返最後一隻手嗰個人就用隻手拍落去啲手度(會嗌123),啲人就要縮開隻手,唔夠快嘅人就會俾人拍到。

本字 編輯

有指「包剪揼」嘅本字包剪䂿字個音係達合切,dap6。《正字通》「以腳踏碓舂米曰䂿」,呢句嘢話用腳踩個槌去舂米就叫做䂿。啲人平時講嘅䂿石仔就係呢個䂿。亦可能係包剪𢱕。「猜呈尋」可能係本字猜澄鋹[1][2]。亦有理論指「呈尋」係「秤沉」變音,而「秤」指「秤砣」。[3]

口令 編輯

粵語文化中「包剪揼」遊戲嘅最慣常口令為「呈沉磨較叉燒包,老鼠唔食香口膠,要食豆沙包」。當中每分句配合一個出拳回合,合成「三盤兩勝最公平」。亦有講成「呈沉磨較叉燒包,老鼠唔食豆沙包」嘅兩盤組合。

玩法 編輯

各玩者同時出招。

招式有三種:包、剪、揼。

包贏揼,揼贏剪,剪贏包,一樣就打和

兩人對決 編輯

數一二三、「包剪揼」或者唸「程尋磨較叉燒包」,講最後一個字嗰時兩人一齊出、如果打和就再猜,直到分出勝負。

多人嘅玩法 編輯

好多人猜嘅時侯,以出同招為一組。包剪揼都有就要再猜,直至出現兩組。有下面嘅情況:

  1. 一個人直接贏出嘅(例:1包,冇剪,其他都係揼);
  2. 一個人直接輸嘅(例:1揼,其他都係包,冇剪);
  3. 一組直接贏或者輸。

除咗第一種情況,其他要再猜。不過,人越多越大,時間越長。有人用多入小出先做淘汰。

加埋「多入小出」嘅玩法 編輯

  • 先用多入小出篩人。原則係包剪揼3組中最少人數嘅兩組先出局,兩組人數相同用兩人對決嘅規則:
    • 例1:三個出包,兩個出剪,一個出揼,出剪同出揼嘅係小出,要走,出包三位再來;
    • 例2:兩個出包,兩個出剪,一個出揼,出揼嘅係小出,出包同出剪嘅人數一樣,剪贏包,出剪兩位再來;
    • 例3:三個出包,三個出剪,三個出揼,無小出,出包剪揼人數一樣,打和,所有人再來。
  • 或者,亦有最少人數嘅一組先出局,再猜。
  • 或者,猜「包揼多入小出」,即只出包同揼,多嗰邊贏,人數相同嘅時候再猜。(其實相等「河孖」)

彈弓手 編輯

出彈弓手即一方等見到對手出之後變招,係一種茅招

編輯

 
維基辭典有佢嘅解釋: