化學工程

化學工程（英文：chemical engineering），簡稱化工，專門思考工程設計當中用到嘅化學反應，包括思考點樣生產有用嘅化合物。

2011 年芬蘭一間化工廠

工業上有好多重要嘅生產過程都涉及化學反應，簡單嘅例子有由一啲原材料嗰度做化學反應，整出想要嘅有用材料，淨係呢樣嘢經已可以大把嘢搞－有好多化學反應都係需要喺適當嘅溫度、壓力或者催化劑環境之下先至發生得到嘅，而且就算一場化學反應行到，場反應嘅速率可能都會因為溫度等嘅條件唔啱而唔夠快，唔夠快就表示生產效率會唔夠高；因為噉，化學工程係一門相當專業化嘅領域，專職做化工嘅工程師要好熟識好多種反學化應嘅特性（需要乜環境條件先行到，仲有係啲反應喺乜情況之下行得最快... 呀噉），用呢啲知識嚟幫手設計相關嘅系統^[1]。

子領域改

化工包括咗好幾門嘅子領域：

生化工程：研究涉及有機分子甚至生物嘅化工過程－例如嘢食嘅生產基本上實會用到有機分子（碳水化合物同蛋白質都係有機分子）^[2]；
化學反應工程：研究化學反應器（chemical reactor）嘅設計，以及諗係呢啲反應器嘅設計（例如做唔做到保持溫度恆定）會點影響生產效率等等^[3]；
石油工程：涉及研究石油同天然氣等嘅化石燃料相關嘅化學反應；

... 呀噉。

一間工廠喺度生產曲奇餅，2007 年；
啲醬嘅化學成份（化學成份會影響味道）啱唔啱呢？

一個化學反應器嘅圖解；生產者會將原材料倒入去，等一段時間後啲材料會做反應變成想要嘅物質。

2008 年一個油井；石油開採咗出嚟可以透過化學反應變做第啲有用嘅物質，例如塑膠。

化學工程有好多機會同第啲工程學領域合作，例如係燃煤發電廠嘅設計噉，燃煤發電廠係指靠燒煤嚟產生電力嘅發電廠，一講到發電，都實會褦到電力工程，但另一方面，又有研究嘗試思考點樣令燒煤（一種化學反應）嘅過程出少啲空氣污染－即係話掂到化學工程嘅嘢^[4]^[5]。

睇埋改

文獻改

Carberry, James J. (2001-07-24), Chemical and Catalytic Reaction Engineering, McGraw-Hill Chemical Engineering Series, Canada: General Publishing Company, ISBN 0-486-41736-0,

攷改

↑ Coulson, J. M. (2001). Chemical engineering. Butterworth-Heinemann.
↑ Bailey, J. E., & Ollis, D. F. (2018). Biochemical engineering fundamentals. McGraw-Hill.
↑ Levenspiel, O. (1998). Chemical reaction engineering. John wiley & sons.
↑ Wang, L., Yang, Y., Shen, W., Kong, X., Li, P., Yu, J., & Rodrigues, A. E. (2013). Experimental evaluation of adsorption technology for CO2 capture from flue gas in an existing coal-fired power plant. Chemical Engineering Science, 101, 615-619.
↑ Wang, H., Song, Q., Yao, Q., & Chen, C. H. (2008). Experimental study on removal effect of wet flue gas desulfurization system on fine particles from a coal-fired power plant. Proceedings-Chinese Society of electrical engineering, 28(5), 1.

[1] Coulson, J. M. (2001). Chemical engineering. Butterworth-Heinemann.

[2] Bailey, J. E., & Ollis, D. F. (2018). Biochemical engineering fundamentals. McGraw-Hill.

[3] Levenspiel, O. (1998). Chemical reaction engineering. John wiley & sons.

[4] Wang, L., Yang, Y., Shen, W., Kong, X., Li, P., Yu, J., & Rodrigues, A. E. (2013). Experimental evaluation of adsorption technology for CO2 capture from flue gas in an existing coal-fired power plant. Chemical Engineering Science, 101, 615-619.

[5] Wang, H., Song, Q., Yao, Q., & Chen, C. H. (2008). Experimental study on removal effect of wet flue gas desulfurization system on fine particles from a coal-fired power plant. Proceedings-Chinese Society of electrical engineering, 28(5), 1.

[1]

[2]

[3]

[4]

[5]