北京奧林匹克公園

 北京奧林匹克公園（粵拼：bak1 ging1 ou3 lam4 pat1 hak1 gung1 jyun2） （簡化字：北京奥林匹克公园；英文：Olympic Green），係中國北京一公園，2003年6月7號喐手起，2008年6月28號起好，位置喺朝陽區，東靠北辰東路同安立路；南靠北土城東路；西靠北辰西路同林萃路；北靠清河。

北京奧林匹克公園一角

間公園主要係2001年7月13號因為北京申辦奧運成功而開搞。起好之後，亦曾經辦過北京2008奧運會同北京2008殘奧會等賽事，期間凈限有奧林匹克身份註冊卡啲人（包括志願者）或有2008年夏季奧運會同殘奧會嗰日比賽門票啲觀眾先至有得出入，即使係殘奧會閉幕之後亦唔例外，直到同年9月28號先至對外開放。

期間亦先後接受過美版The Amazing Race第14季（2008年10月中旬）同埋深圳衛視版The Amazing Race第3季（2016年4月）啲參賽隊嚟參賽。對外開放之後唔使對入園啲遊客接受安全檢查，直到2017年9月30號，因為北京地區為咗進一步加強反恐力度而實施咗實名制入園同「人過安全門、物過安檢機、液體過檢測儀」制度。