北京展覽館

北京展覽館中國北京嘅古典建築,1954年9月10號起好,位置喺西城區西直門外大街135號。佢係北京第一間大型同綜合性嘅展覽館[1]

北京展覽館
Beijing Exhibition Center.jpg
明細
之前嗌過蘇聯展覽館
用途北京展覽館
設計安德列夫(俄)
郭赫曼(俄)
戴念慈
毛梓堯
周永源
事業主北京市人民政府
構造新古典主義蘇聯式
逳手1953年10月15號
落成1954年9月10號
喺邊Flag of the People's Republic of China.svg 中國北京西城區
西直門外大街135號
座標39°56′26″N 116°20′38″E / 39.940599°N 116.3437621°E / 39.940599; 116.3437621座標: 39°56′26″N 116°20′38″E / 39.940599°N 116.3437621°E / 39.940599; 116.3437621

歷史

嗰個館係喺蘇聯援助下,喺1954年9月10號完工。嗰個館嘅建設歷時1年,中國廿幾個援建省、1萬幾名工人、6千幾個中國人民解放軍戰士參加咗建設[2]毛澤東親筆題寫咗館名「蘇聯展覽館」。1958年,根據周恩來嘅意見,「蘇聯展覽館」改名做「北京展覽館」[3]

嗰個館建成後嘅首個展覽係蘇聯領導人赫魯曉夫訪華時嘅1954年10月2號舉辦嘅「蘇聯經濟及文化建設成就展覽會」,展出咗蘇聯帶來嘅11500幾件商品。隨後,嗰個展覽館相繼舉辦「捷克斯洛伐克十年社會主義建設成就展覽會」、「日本商品展覽會」[2]

佔地面積約14萬平方米,依家入面設有4間經營單位:北京展覽館展覽中心、北京展覽館劇場、莫斯科餐廳、北京展覽館賓館[4]

建築

該館係俄國式建築,造型典雅。該館中央建築上方有一高塔,塔尖上有一粒紅五角星;兩側係18條高大嘅雕花立柱組成嘅弧形柱廊,整體氣勢厚重磅礴。該館前面重設有巨型噴水池[2]

喺1953至1954年嘅建設施工中,要將幾噸重嘅紅五角星吊上離地面103米嘅空中,並安放到塔尖上。豐台橋梁廠一班老師傅提議採用滑輪滾杠嘅土法吊裝。蘇聯專家起初反對,後來同意嘗試,最終吊裝成功。1976年唐山大地震,塔尖紅星受損,此後重新安裝過一粒紅星,比原先嘅輕,為內裝128盞燈嘅不銹鋼框架,重750公斤,直徑2.5米[2]

北京展覽館展覽中心

北展展覽中心隸屬於北京展覽館,係「從事組織策劃展會及活動、場地銷售、運營服務、工程搭建,為展會提供項目全程接待、延伸服務的專業展館」[5]

北京展覽館擁有場館及會議設施。場館總面積達到3萬平方米。其中,室內展館面積為2.2萬平方米,室外展場面積為1萬平方米,由12個展廳組成[6]

北京展覽館劇場

 
從北展後湖拍攝嘅北展劇場

北京展覽館劇場(英文BEIJING EXHIBITION CENTER THEATER)(以下簡稱「北展劇場」)起初係個露天劇場,始建於1954年。1959年加頂,改建成室內劇場。劇場舞台台口闊18米,共有43排2763個座位。該劇場初建時,蘇聯各個芭蕾舞團、交響樂團、合唱團經常喺度演出[7]

如今,北展劇場依然係北京重要嘅演出場所之一。直徑62米嘅觀演大廳中,設有2700幾個觀眾席,係北京客容量最大嘅專業演出劇場。北展劇場舞台面積400幾平方米,其中可升降樂池嘅面積為50平方米;後台設有演員化妝間6間,可以畀200多人同時化妝。北展劇場以舉辦大型芭蕾舞、交響樂、歌劇、舞劇、演唱會同埋相聲為主[8]

莫斯科餐廳

內文: 北京莫斯科餐廳
 
莫斯科餐廳正門(2015年)

從北京展覽館西側繞過北展報告廳,就去得到莫斯科餐廳。佢係北京首間對外開放嘅特級俄式西餐廳,被親切地俗稱為「老莫」。該餐廳設有旋轉門、華麗嘅大吊燈、青綠雕花銅柱、高腳杯,一派富麗堂皇[2][9]

1954年10月,莫斯科餐廳建成。當時,餐廳門口站有軍區部隊調來嘅警衛,廚房請蘇聯大廚燒製俄羅斯宮廷菜,餐具器皿都係銀質,用餐時播放《莫斯科郊外的晚上》、《喀秋莎》、《紅莓花兒開》等樂曲,同埋柴可夫斯基嘅《六月船歌》、《悲愴》等古典音樂。起初來餐廳幫襯嘅唔係一般人,須憑票進入。1954年10月27號,中央民委喺呢度宴請前來北京展覽館參觀嘅達賴班禪西藏僧俗官員。1957年,朱德到莫斯科餐廳就餐,餐廳主廚王兆忠特意為朱德整咗兩個巨型糖花:一座係克里姆林宮,一座係天安門[2]

後來,莫斯科餐廳逐步對外開放,出現咗針對高級知識分子嘅對外贈券,平民百姓有錢都食得。作家吳歡曾經笑住話:「上世紀五六十年代去一次老莫了不得,恨不得半年都得說道說道!」嗰時,一級教授季羨林都鍾意去莫斯科餐廳,後來佢對媒體回憶講,當時自己每月工資345元,加上中國科學院學部委員嘅津貼每月100元,共445元,而去莫斯科餐廳食一次,大約需要1.5元至2元,湯菜都有,重有黃油面包,以及一杯啤酒。莫斯科餐廳嘅食客唔只有黨和國家領導人,重有末代皇帝溥儀、作家章詒和,《魯迅傳》嘅導演陳鯉庭、演員于藍等等[2]

文化大革命期間,北京嘅各軍區大院嘅子弟為莫斯科餐廳起咗「老莫」呢個花名。姜文嘅電影《陽光燦爛的日子》入面,馬小軍、劉憶苦等等大院子弟喺莫斯科餐廳入面聚眾傾計,喺精神空虛嘅歲月入面,呢啲熱血青年喺「老莫」回味往日時光,尋求精神慰藉[2]

1995年出版嘅一本畫冊嘅序言入面,有畫家黃永玉寫嘅《大家張伯駒先生印象》,寫到1982年黃永玉帶老婆去莫斯科餐廳食飯,「忽見伯駒先生蹣跚而來,孤寂索漠,坐於小偏桌旁。餐至,紅菜湯一盆,面包果醬,小碟黃油兩小塊,先生緩慢從容,品味紅菜湯畢,小心自口袋取出小毛巾一方,將抹上果醬及黃油之四片面包細心裹就,提小包自人叢緩緩隱去……」呢個係因為張伯駒嘅妻子潘素病咗,呢個小方巾包裹嘅面包係拎返屋企畀潘素食嘅。黃永玉評價張伯駒:「富不驕,貧能安,臨危不懼,見辱不驚……真大忍人也!」[2]

北京展覽館賓館

北京展覽館賓館係一間中外合資酒店,喺北京展覽館院入面。酒店喺1988年開業,2004年重新裝修。主樓高7層,客房246間[10]

參考

  1. "完善布局 助推展覽升級,北京商報,2014-01-09". 原著喺2015-05-13歸檔. 喺2017-03-18搵到.
  2. 2.0 2.1 2.2 2.3 2.4 2.5 2.6 2.7 2.8 西直門:窗口與味蕾,千龍網,2013-10-15
  3. "歷史回眸,北京展覽館,於2014-01-09查閱". 原著喺2017-07-06歸檔. 喺2017-03-18搵到.
  4. "北京展覽館,北京展覽館,於2014-01-09查閱". 原著喺2014-01-09歸檔. 喺2017-03-18搵到.
  5. "中心介紹,北京展覽館,於2014-01-09查閱". 原著喺2016-03-04歸檔. 喺2017-03-18搵到.
  6. "全館展示圖,北京展覽館,於2014-01-09查閱". 原著喺2016-03-04歸檔. 喺2017-03-18搵到.
  7. "老北京的影劇院,網易,2010-03-07". 原著喺2018-02-15歸檔. 喺2017-03-18搵到.
  8. "北京展覽館劇場,北京展覽館,於2014-01-09查閱". 原著喺2017-07-06歸檔. 喺2017-03-18搵到.
  9. "關於我們,莫斯科餐廳,於2014-01-09查閱". 原著喺2017-07-08歸檔. 喺2017-03-18搵到.
  10. "北京展覽館賓館,陽光旅行網,於2014-01-09查閱". 原著喺2014-01-09歸檔. 喺2017-03-18搵到.

出面網頁