北戴河奧林匹克大道公園

 北戴河奧林匹克大道公園（粵拼：bak1 daai3 ho4 ou3 lam4 pat1 hak1 daai6 dou6 gung1 jyun2） （簡化字：北戴河奥林匹克大道公园；英文：Beidaihe Yuan Yuan Apartment Olympic Park），簡稱北戴河奧林匹克公園，係中國河北秦皇島一公園，2002年4月動工，2005年5月1號起好，位置喺北戴河，西北靠濱海大道；南靠聯峰路；東靠單赤路。

正門附近嘅大廣場主雕塑同音樂噴泉

佢既係成個河北省唯一攞到「全國優秀體育公園」稱呼嘅公園，又係秦皇島市人民政府喺2002年4月經北京奧組委批准而搞嘅公園。

主要景觀及設施

廣場主雕塑同音樂噴泉

廣場主雕塑嘅鋼架和平鴿樣

喺濱海大道嗰邊睇

喺聯峰路嗰邊睇

喺近住單赤路嗰邊睇

火炬壇

奧運冠軍大道北邊最㞘嘅地面紀念碑

400m標準跑道同足球場

公園正門一景，亦係北戴河嘅地標。中間有座鋼架整嘅和平鴿，若果唔同方向睇，個樣都唔同：

• 喺濱海大道嗰邊睇：似白鴿。
• 喺聯峰路嗰邊睇：似火炬。
• 喺近住單赤路嗰邊睇：似帆船。

奧運冠軍林

公園正門一景，喺公園西邊近住濱海大道嗰頭。喺2008年奧運舉辦前夕，曾經有12位中國大陸運動員種過12樖白果。附近嘅火炬壇亦幾出名下，因為喺2008奧運就快舉辦嗰時搞過奧運火炬接力，重喺埋嗰度點著聖火。

奧運冠軍大道

公園南邊林間道路一景。兩邊都有寫住中國大陸歷屆奧運冠軍得主啲手腳印同簽名，兩邊亦有堆雕塑柱響度。喺大道北邊最㞘位近住噴泉嗰邊亦有嚿地面嘅紀念碑，寫住「中国北戴河·奥林匹克大道」呢11個中文字同「OLYMPIC ROAD BEIDAIHE CHINA」四個英文單詞。

奧林匹克浮雕墻

公園東邊道路一景，喺噴泉廣場後邊。浮雕牆入面啲嘢寫嘅係從古代到而家啲奧運發展史，及中國大陸嘅奧運發展情況。

單體雕塑

公園南邊一景。入面有63件奧運項嘅單體雕塑兼分散式擺放，嗰堆雕塑都由中國大陸啲雕塑藝術家嚟整嘅。

其它設施

喺公園東邊重有個400m嘅跑步運動場同輪滑運動場，及一堆體育健身設施響度。尤其喺公園南門嗰邊有間輪滑博物館響度。