北江

北江係中國一條江，喺廣東境內，係珠江水系北便支流。

佢上游係曲江，曲江過喺曲江縣境入英德，就叫北江。佢最大源頭係湞水，由江西信豐縣，大廋嶺嘅石溪灣，係條山區河來。由源頭計，最長有468千米，占珠江水系大細10.1%到。

北江上游經過南雄、始興縣、仁化等地。叫北江之後，又納埋南水、滃江、連江、潖江、濱江、綏江，然後到三水。過三水就係珠江三角洲，水流叉開。一部份水輾轉流入珠江，過廣州，然後入海；又有一部份過南海，佛山，順德，番禺，南沙然後入海。

北江流域係亞熱帶，域内高温多雨，年均降雨量約莫1800毫米，汛期喺4至9月，佔成年降雨量80%。多年平均逕流量係482億立方米，年均含沙量每立方米0.126千克，河之中，沙唔算多。流域上游除咗南雄一帶，局部水土流失影響較大之外，域内植被（讀丕）良好，四季常青。

北江水力資源豐富，理論上，含量約319萬千瓦。目前北江上大型水利工程有孟州霸水電站、白石窰水電站、飛來峽水利樞紐同埋北江大堤。