北海銀灘

北海銀灘（粵拼：bak1 hoi2 ngan4 taan1）係中國廣西北海嘅一個景區兼海灘，喺銀海區西南角。佢既俾中國大陸民眾話佢做「中國最大」、「最掂嘅天然海濱浴場同休閒度假聖地」，又係中國大陸國家AAAA級景區、五靚景區之一、及卅五個王牌景點之一，有「北海十里銀灘」同「天下第一灘」嘅稱呼。

景區喺1991年開發成旅遊區兼對外開放，初期景區實施收費。期間先後包括李鵬、李瑞環、楊尚昆、江澤民、胡錦濤等廿幾位中國大陸國家領導人同幹部都嚟過呢度。從2003年5月開始，景區開始搞改造兼免費對外開放。

概況

園區由活動區、遊樂區同藝術區三部分組成，任何一區都有快餐舖同士多等人性化設施。

東區

東區屬藝術區，有琴、棋、書、畫等一系列同藝術有關嘅大院。

中區

中區屬活動區，包括咗喺北部灣海邊嘅海灘同海上活動區，海岸線全長24km，沙粒SiO₂含量去到98.3%。入面有沙灘排球場、沙灘足球場、海水浴場、高爾夫球練習場，大型燒烤場。尤其係天然海濱浴場，喺中國大陸比較少見。海水喺海灘個海入面有水上摩托車同快艇等運動項。但海灘同水上活動喺每日啱天光無耐、挨晚、晚黑時分、行雷天、有海水渾濁呢五種是旦一情況下都唔開放。

西區

西區屬遊樂區，入面有海洋生物館、細路玩水池、大學露天舞池、遊人休閒廣場等呢啲設施。喺公園正門有個被嗌成亞洲之最嘅巨形不鏽鋼雕塑——「潮」，屬人工音樂噴泉，直徑23m，由5250個噴嘴組成。一到每日晚黑有好多彩激光同五彩水花猛咁飆出。

攷

出面網頁

北海銀灘嘅官方網站