區別詞

區別詞，又叫非謂形容詞，係表示事物特徵同分類，只會用嚟修飾名詞同名詞性短語嘅詞。區別詞大部分只可以做定語，有啲可以做狀語；除咗「非」之外，唔受其他副詞修飾。例子有「雄」、「雌」、「正」、「副」、「大型」、「小型」、「特殊」、「一般性」等等。

同普通形容詞唔同嘅地方主要係區別詞唔可以做謂語，只可以作為定語修飾名詞，或者同結構助詞「的」（「嘅」）構成「的字結構」（名詞性結構），所以叫做「非謂形容詞」。