十五二十

十五二十（粵拼：sap6 ng5 ji6 sap6）係其中一樣猜枚遊戲，基本上係兩個人玩，但多過兩個人玩一樣得。

玩家每次可以自由選擇唔攤開手板（0隻手指）、攤開一隻手板（5隻手指）或者攤開兩隻手板（10隻手指），而玩法就輪流叫手指數量，睇下係咪咁啱估中。譬如兩個人玩，一方叫「十」，佢同對方都攤開一隻手板，加埋有十隻手指，咁就代表叫中咗，第二次要嗌聽枚連中兩次，就為之贏一鋪。

特殊懲罰

有啲估同出手嘅組合係無可能啱嘅，例如嗌「收嗮」但係自己又出五，或者嗌「十五」但係自己又收嗮，咁呢啲情況就直接輸，要接受懲罰。