十六浦米高積遜珍品廊
十六浦米高積遜珍品廊（英文：MJ Gallery at Ponte 16，簡稱做米高積遜珍品廊、MJ珍品廊），係亞洲第一個、全球第二個以米高積臣為題嘅永久展覽場所，位於澳門嘅港火頭船街同巴素打爾古街12A號至20號碼頭澳門十六浦度假村二樓。
史
編輯身兼實德環球副主席嘅澳門十六浦度假村行政副總裁馬浩文響2009年11月喺朱利安拍賣行買咗米高積臣響1983年唱片公司Motown嘅25週年電視特輯演出嗰陣戴嘅萊茵水晶石手套[1][2][3]同米高積臣親筆簽名《Bad》嘅美國唱片業協會白金唱片獎等等嘅合共10件遺物[4][5][6]；當時，呢尐拍賣品連同響其他拍賣會上面買到嘅米高積臣遺物，計劃擺響澳門十六浦度假村嘅一個珍品廊，向外展出[6][7]。
十六浦米高積遜珍品廊響2010年2月頭由澳門社會文化司司長張裕、澳門旅遊局局長安棟樑、澳門十六浦度假村主席蘇樹輝等等主持開幕儀式，成為亞洲區第一個、全球第二個以米高·積遜為主題嘅永久展覽場所[8][9][10]；喺開幕當日，有一隻模仿萊茵水晶石手套嘅手套送咗畀參觀人土[11]。
十六浦米高積遜珍品廊喺同一個月18號搞咗個拍賣試戴白色萊茵水晶石手套嘅機會嘅慈善活動，由伯明翰環球控股主席楊家誠以10萬港元投得[12]。十六浦米高積遜珍品廊又響同一年嘅9月至到10月聯同新世界百貨，響北京、上海等等嘅五個城市主辦《巨星珍品中國巡迴展》，又借出白色萊茵水晶石手套做展覽[13]。
設施
編輯十六浦米高積遜珍品廊嘅面積超過4,000平方米，場館可以響一個鐘容納大約200人[14]；珍品廊主要分為四個部分，分別係時光隧道、主要展覽區、Billie Jean佈景同埋十六浦禮品廊[15]。
參考
編輯- ↑ 〈澳門經營酒店 兼辦賭船旅遊〉 (繁體中文)。成報。2009-11-23。頁 A02。
- ↑ 〈十六浦280萬投得MJ白手套 打造米高積遜歌迷亞洲聚腳點〉 (繁體中文)。新華澳報。2009-11-23。頁 02。
- ↑ 〈逾百件巨星珍品澳門十六浦展出〉 (繁體中文)。大公報。2010-04-21。頁 C05。
- ↑ 〈十六浦籌辦米高積遜珍品廊〉 (繁體中文)。市民日報。2009-12-14。頁 P01。
- ↑ 〈水晶手套 Thriller喪屍衫 MJ珍品展料掀狂熱〉 (繁體中文)。澳門日報。2009-12-14。頁 C01。
- ↑ 6.0 6.1 〈提案3 參觀最新米高積遜珍品廊〉 (繁體中文)。U Magazine - Travel。2010-02-12。頁 076。
- ↑ 〈明年二月一日開放適逢酒店成立兩周年 十六浦建米高積遜藝術廊〉 (繁體中文)。華僑報。2009-12-14。頁 14。
- ↑ 〈澳門樂遊 MJ珍藏品曝光〉 (繁體中文)。頭條日報。2010-02-01。頁 P47。
- ↑ 〈為澳旅遊業增新元素 吸引海內外人士到訪 十六浦米高積遜珍品廊開幕〉 (繁體中文)。市民日報。2010-02-02。頁 P01。
- ↑ 〈十六浦締傳奇亞洲首設MJ展館〉 (繁體中文)。市民日報。2010-02-02。頁 P01。
- ↑ 〈仿帽手套夠珍稀 變身MJ滿場飛賭王近況被追問何太笑說好精神〉 (繁體中文)。澳門日報。2010-02-02。頁 B01。
- ↑ 〈楊家誠投得MJ手套試戴 10萬善款捐澳門特殊奧運會〉 (繁體中文)。成報。2011-02-18。頁 A11。
- ↑ 〈新世界百貨澳門十六浦 巨星珍品中國巡迴展北京揭幕〉 (繁體中文)。市民日報。2011-09-09。頁 P04。
- ↑ 〈MJ珍品坐鎮十六浦 四姨太戴A貨手套朝聖〉 (繁體中文)。蘋果日報。2010-02-03。頁 C17。
- ↑ MJ Gallery at Ponte 16 (英文). 澳門: 澳門十六浦度假村. 2010.