十字門（Shaptsz Moon）係中國一海門，喺廣東南岸，家下分屬澳門、珠海。舊時係西南入澳門常用航道，家下形不復再。
小橫琴、大橫琴、九澳、潭仔排成四角，中間水道成十字，所以叫十字門。十字門東北係潭仔、東南係九澳、西北係小橫琴、西南係大橫琴。
亦有話分內十字門同外十字門。小橫琴、大橫琴、九澳、潭仔成外十字門，而對面山、小橫琴、澳門本土、潭仔成內十字門。
十字門亦專指小橫琴同潭仔之門嘅窄位。
家下大橫琴同小橫琴海道已成填地，而九澳同潭仔嘅海道成路氹城。所以無咗十字之形。
十字門海戰，又稱井澳海戰。
