十年台灣

《十年台灣》係「十年國際計劃」嘅作品之一，台灣五個新生代導演：勒嘎、鄒隆娜、呂柏勳、謝沛如、廖克發，以佢哋獨特嘅眼光，製作出五部唔同風格嘅短片，重點放喺環境同文化方面，講述佢哋眼中台灣嘅未來。

片

惡靈罐頭

• 導演：勒嘎・舒米
• 2027年一位蘭嶼島上嘅達悟族獨居老人，平日靠種植芋頭維生，過住睇落係安詳平靜嘅生活，但係喺佢心裏面有個埋藏咗好多年嘅恐懼，而隨住一場颱風嘅侵襲，呢個世人已經遺忘嘅恐懼將會再出現。

942

• 導演：鄒隆娜
• 2017年9月30號、2027年9月30號，各有兩個編號都係942同899嘅外籍女看護，喺唔同時空都遇到類似情況，互相影響住對方嘅命運。

路半

• 導演：呂柏勳
• 描繪喺鄉村生活嘅東洋點樣掙扎喺城市同家鄉之間，盼望能夠搵到自己嘅路。

蝦餃

• 導演：謝沛如
• 寶寶鮮味蝦餃拍攝一個團年飯廣告，廣告構思係創造完美嘅家庭形象，但係原本廣告中最重要嘅角色BB突然放飛機，令到董事長好不滿，為咗廣告能夠繼續拍攝落去，製片阿強急需要搵到一個BB代佢，但係城市人唔再願意生育下一代，甚至連醫院嘅婦產科都被迫關閉，要搵一個BB一啲都唔容易。

睏眠

• 導演：廖克發
• 喺未來嘅世界，人可以購買「睡眠服務」，可以選擇自己嘅夢境，進入深沈嘅睡眠，以尋求現實之外嘅平靜嘅想象。

睇埋

• 《十年 (電影)》
• 《十年日本》
• 《十年泰國》

攷

• 《十年台灣》：關於台灣，我說的其實是……，徐瑋志，獨立評論@天下，天下雜誌，2020年。
• 十年台灣) TEN YEARS TAIWAN)，Yahoo Movie，2020年。

出面網頁

• 《十年台灣》喺香港影庫嘅資料

• 《十年台灣》喺WMOOV電影嘅資料

• 《十年台灣》喺互聯網電影資料庫嘅資料（英文）
• YouTube上面嘅十年台灣