十年建屋計劃係香港總督麥理浩喺1972年提出嘅一項公共房屋計劃，目的係喺1973年至1982年十年間為180萬香港居民提供設備齊全、有合理居住環境嘅公共房屋單位。呢項計劃改變過去香港政府對公共房屋淨係追求數量嘅態度，而開始注意公共房屋嘅質素，例如設施同埋居住環境。計劃亦配合新界嘅新市鎮發展，包括荃灣、沙田同埋屯門三坦地方，減輕因為港九市區人口過份擠迫而形成嘅社會唔安定。
1982年，由於實際建屋量重距離目標好遠，香港政府決定將計劃順延5年至1987年。呢個計劃完結之後，一共起咗可以畀150萬人居住嘅單位，都係比起最初目標少30萬人。香港政府喺同年推出長遠房屋策略取代十年建屋計劃。
