十災
十災（希伯來文：עשר המכות）係《聖經》《出埃及記》中記載嘅十大災難，上帝降臨災難到埃及，勸服法老王釋放為奴嘅以色列民，還佢哋自由。
發生原因
編輯埃及法老王因為佢個心好剛硬，唔肯聽從摩西同亞倫多次嘅請求，俾以色列民離開埃及地，上帝就吩咐摩西、亞倫喺法老面前行多個神蹟奇事，用十大災難降臨到埃及。呢啲大災難每一次都比之前嗰啲嚴重，唔單止導致人身大受苦楚，而且災難嘅本身，就係針對埃及諸神嘅一種審判。喺埃及地，尼羅河係人民崇拜嘅主要對象，青蛙同家畜中嘅公羊、山羊、牧牛，係佢哋尊為神聖嘅神，太陽亦係佢哋所崇拜嘅神。上帝要敗壞埃及呢一切嘅神，所以佢用嘅十災，都具有多方面嘅意義教訓。
第一災：血水災
編輯尼羅河嘅水瞬間變成血水，魚都死晒，河水腥臭，失去埃及河神嘅庇護，舉國恐慌。滿咗七日之後，河水先變返清。但係事情過咗之後，埃及法老認為河水變紅只係偶然，唔當作係一個教訓。
第二災：蛙災
編輯大量青蛙衝咗上岸，走咗入王宮、民居，廚房、睡房裏面到處都係青蛙，喺夜晚，好多人都俾佢哋覺得核突嘅青蛙嚇醒。無奈嘅法老只好請求摩西，叫上帝收返啲青蛙，並答應畀以色列人自由。但係，災禍消失之後，法老就反口，唔肯放以色列人走。
第三災：虱災
編輯埃及人同佢哋嘅牲畜身上，突然都生滿咗虱，啲人都痛苦到難以忍受。
第四災：蠅災
編輯一大班烏蠅飛入埃及嘅宮殿同埃及人嘅屋企，四圍都好污糟，以色列人住嘅地方反而一隻烏蠅都冇。
第五災：畜疫災
編輯埃及田間嘅牲畜，包括馬、驢、駱駝、牛群、羊群，都染上咗嚴重瘟疫，幾乎全部都死晒，法老派人去睇，發覺以色列人嘅牲畜都冇事，但係法老依然好固執，唔肯放百姓走。
第六災：疹瘡災
編輯第七災：雹災
編輯法老仍然唔肯悔改，於是上帝定下時日，決定降冰雹。到咗嗰一日，落咗埃及建國以嚟最大嘅冰雹，田裏所有嘅，包括人、牲畜、植物全部都被摧毀，而以色列人所在嘅地方，一粒冰雹都冇。震驚嘅法老被迫要搵摩西同亞倫，口講話認罪，承認上帝嘅公義，請求停止雹災。摩西伸手禱告，雷聲同冰雹都停止。但係災情停咗之後，法老又唔守信用，唔肯俾以色列人離開。
第八災：蝗災
編輯東風將一大班蝗蟲吹咗去埃及嘅境內，空前絕後嘅厲害，因為蝗蟲遍滿地面，甚至地都變得黑暗，食清咗所有蔬菜同雹災之後剩返喺樹上嘅果實。法老見呢次蝗災，比先前嘅災更加厲害，於是急忙再搵摩西、亞倫嚟，承認佢得罪咗上帝，為求上帝消除災難，法老無奈噉再次向摩西認罪，摩西又接受咗法老嘅請求，蝗蟲俾西風吹到海中。但係蝗災一過咗之後，法老嘅心仍然好似鐵咁硬，唔肯俾以色列人離開。
第九災：黑暗之災
編輯蝗災過咗之後，法老嘅態度仍然強硬，結果又招嚟黑暗之災。連續三日三夜天上都冇太陽，遍地漆黑嘅埃及，乜都睇唔到，大家都認唔到對方，亦唔敢離開屋企。但係以色列人嘅屋企都係光亮嘅。埃及人敬拜太陽神，發現太陽神都唔再庇護佢哋嘅時候，驚恐之下覺得要反省。法老又再搵摩西，答應俾以色列人離去，摩西要求帶走牲畜作為祭物，法老堅決唔肯，並以死威脅摩西。
第十災：長子災
編輯上帝以最後之災警告法老，大劫喺半夜降臨，從法老到婢女甚至獄中被囚嘅埃及人，佢哋屋企嘅長子同頭生嘅牲畜，全部都俾上帝所派嘅使者滅絕。以色列人家按照上帝嘅吩咐，將羊血搽喺門楣門框上，所有人同牲畜都冇受到傷害。喺古埃及，長子係一家裏面最重要嘅，而每戶埃及人家最少都死一個長子。遍地都充滿哀號，法老最後迫不得已同意以色列人帶住牲畜盡快離開。
結論
編輯十災處處都顯明咗上帝嘅權柄同大能，佢唔願意用一次大災毀滅埃及，而用十次嘅的分災嚟警告佢哋，目的係希望法老能夠真正噉覺悟悔改。喺多次嘅災害當中，上帝將以色列民從埃及人之中分別出嚟，顯明選民得到上帝嘅庇佑，喺災難中有幸福。最後要顯明惡人嘅結局，最終要受到上帝嘅報應，而成爲衆人嘅鑒戒。